يا جماعة انا قربت اتعقد
مش بقلكو كده علشان تتعقدوا وخصوصا البنات لأ
انا بقلكوا كده علشان تلحقو تفكوا العقده قبل ما تبئا عقده وشنيطة
انا ليا واحدة صاحبتي وصلت لل30 ولسه ماتجوزتش مع انها بيجيلها عرسان كتيييرومنهم ناس ماتترفضش
ولما سألتها مابتوفقيش ليه بنتي دول شباب زي الورد و طبعا كل شيئ قسمة ونصيب قالتلي اجابة غريبه اوي
قالتلي اصل انا مش عايزه أتطلق!!!!!
ازاي يا بنتي
قالتلي اصل انا ليا صفات عايزاها بالمللي في الشكل و المضمون والحاله المادية و الوظيفه و العيلة وخايفة اتنازل عن صفة فيهم تكون السبب في طلاقي
بس المشكلة ان معظم شباب اليومين دول مابيتجمعش فيهم كل الصفات دي يعني لو لقيتي عريس فيه كم صفة حلوة قصادها على الاقل هتلاقي صفة او صفتين وحشين وكامل الاوصاف ده تقريبا مش موجود
قالتلي خلاص أبئا أعنس احسن
؟؟؟؟؟؟؟؟؟؟؟
واعرف صاحبة تانية اتجوزت في سن صغير و كانت جوازة و خلاص و دلوقتي مش مرتاحه مع جوزها والموضوع قرب يوصل للمحاكم
ولما سألتها ليه يا بنتي عملتي في نفسك كده واهو كله طبعا قسمة و نصيب بس مش كنتي تصبري شوية يمكن كنتي تلاقي الشخص اللي صفاتك ماشية مع صفاته
قالتلي لأ خوفت أقعد كتير ومالاقيهوش لأ انا مش عايزه أعنس !!!
يا ترى ايه الصح ؟؟ رأي الاولى ولا التانية
دلوقتي بئا..... من هنا ومن هذا المزنق احب اقولكم انا مش عايزة اعنس ومش عايزة اتطلق
ماذا تفعل لو كنت مكاني ومكان اي واحده من البنات اللي لسه في العشرينات ؟؟
مش بقلكو كده علشان تتعقدوا وخصوصا البنات لأ
انا بقلكوا كده علشان تلحقو تفكوا العقده قبل ما تبئا عقده وشنيطة
انا ليا واحدة صاحبتي وصلت لل30 ولسه ماتجوزتش مع انها بيجيلها عرسان كتيييرومنهم ناس ماتترفضش
ولما سألتها مابتوفقيش ليه بنتي دول شباب زي الورد و طبعا كل شيئ قسمة ونصيب قالتلي اجابة غريبه اوي
قالتلي اصل انا مش عايزه أتطلق!!!!!
ازاي يا بنتي
قالتلي اصل انا ليا صفات عايزاها بالمللي في الشكل و المضمون والحاله المادية و الوظيفه و العيلة وخايفة اتنازل عن صفة فيهم تكون السبب في طلاقي
بس المشكلة ان معظم شباب اليومين دول مابيتجمعش فيهم كل الصفات دي يعني لو لقيتي عريس فيه كم صفة حلوة قصادها على الاقل هتلاقي صفة او صفتين وحشين وكامل الاوصاف ده تقريبا مش موجود
قالتلي خلاص أبئا أعنس احسن
؟؟؟؟؟؟؟؟؟؟؟
واعرف صاحبة تانية اتجوزت في سن صغير و كانت جوازة و خلاص و دلوقتي مش مرتاحه مع جوزها والموضوع قرب يوصل للمحاكم
ولما سألتها ليه يا بنتي عملتي في نفسك كده واهو كله طبعا قسمة و نصيب بس مش كنتي تصبري شوية يمكن كنتي تلاقي الشخص اللي صفاتك ماشية مع صفاته
قالتلي لأ خوفت أقعد كتير ومالاقيهوش لأ انا مش عايزه أعنس !!!
يا ترى ايه الصح ؟؟ رأي الاولى ولا التانية
دلوقتي بئا..... من هنا ومن هذا المزنق احب اقولكم انا مش عايزة اعنس ومش عايزة اتطلق
ماذا تفعل لو كنت مكاني ومكان اي واحده من البنات اللي لسه في العشرينات ؟؟
هناك 26 تعليقًا:
مش هعمل حاجه لانى راجل
بس هى خلاص مش حبكت انها تتجوز اى حد والسلام
فيه حاجات كثيره جداممكن تتعمل
أولا الزواج أمر جيد ومستحب وسنه عن النبى
ولا يجوز صلاه الاستخاره فى امر الزواج لكم نصلى الاستخاره فى العروس أو العروسه
فيه أمور كثبره
للإختيار أنا هقولك أقرأى البوست ده انا كتبته من قتره فى مدونه ملتقى الصحبه
اللينك أه
http://sohba06.blogspot.com/
صحيح تبقى تشيلى كلمه التأكيد بتكون رخمه
el zwag akbr nseb wrza zy al3ml wlmal wnsebk lazm tshofeh sbeha lrbna who hykrmk blafdl leky lano a3lm beh mna
السلام عليكم
فى البداية عاوز اقول ملحوظة صغيرة بخصوص عرض البوست
ياريت خلي الكتابة بخط اخر علشان الناس اللى نظرها ضعيف زي حالاتى هههههههههه
بصي يا ستى
اى بنت من حقها تحلم بفارس احلمها وبمواصفاته المتكاملة بجد ده حقها على الاقل تحلم ويمكن الحلم يتحقق
لكن مش من حقها ان تفكر بالاسلوب مش عايوزة اتجوز علشان مش اتطلق
ده يبقي اسمه ؟؟؟؟؟؟
متزعليش
محدش يعرف الغيب ولا المستقبل
بالعكس وجهة نظرى
لو الست عاوزة السعادة الزوجية ومش لقياها يبقي لازم تصنعها
ازاى تصنعها لها طرق كتير زي الطبيخ بالضبط
واهم ما فى الطرق دى هو الاحتواء النفسي والروحى للزوج ...
اما بالنسبة للامورة التانية اللى عاوزة تطلق
اقول ..... هو الطلاق بقي موضة الايام دى ولا ايه
هو كل ست او راجل يتعب شوية ببداية حياته الزوجية يبقي مفيش حل غير الطلاق
انا اراهن ان مفيش بيت بالعالم كله مفيش فيه مشاكل زوجية
ايا كانت اسبابها او حجمها
يا ناس ..... يا بشر
الحياة الزوجية لها معانى كبيرة قوووووووى ياريت نقدرها ونفهما
معلش طولت
اندمجت شوية ههههههههههه
بس باتكلم بجد
ياريت تقري تعليقى اكتر من مرة
اكيد رأيك هيكون كل مرة مختلف عن الاخرى
تقبلى تحياتى
هختار على الأساس اللي قاله الرسول
الدين أولاً وقبل كل شيء والباقي فاكس ممكن يحصل
الغني ممكن اجوزه ويفتقر والعكس وباقي الحاجات على نفس القياس
:)
تسلم الأيادي يا دودوو
بس أنتي رأيك ايه في الموضوع ده
انا راى ان الاتنبن غلط الاولى محبكاها ع الفاضى والتانيه مصبرتش وتقريبا فى دماغها انها لازم تتجوز وبتعتبر الجواز نهايه المطاف انا راى انها تستنى الشخص المناسب وتستخير ربنا وتشاور عيلتها وربنا يوفق
ايات الحبال
واحده اول مه اقرى المدونه بتاعتك وعجبتنى
السلام عليكم و رحمة الله و بركاته
أولا ، ألف مبروك على المدونة و بإذن الله تكون مدونة متميزة
بالنسبة للبوست، فرأيى إن الاتنين ينقصهم الاحساس الكافى بالأمان و ده اللى مخليهم خايفين، مع اختلاف نوع الخوف ما بينهم، و لكن على كل الأحوال مهم إن الانسان يكون عنده ثقة بربنا سبحانه و تعالى و هو قال فى الحديث القدسى: "أنا عند ظن عبدى بى ، فليظن عبدى بى ما يشاء" صدق رسول الله صلى الله عليه و سلم فيما بلغ عن رب العزة
و علشان كده لازم كل بنت تحسن الظن بالله أولا، و يكون عندها هدف فى حياتها تفرغ فيه طاقتها و اهتماماتها، فتبقاش مجرد إنها قاعدة مستنية كده و خلاص، و ربنا يكتب الخير للجميع بإذن الله
ربنا يوفقك ، تحياتى لك
مبروك المدونه
واهلا بيكي يا دودو
انا راي ان الموضوع ده نصيب, بس لازم نفكر كويس قبل اي خطوه ناخدها
والجواز ده مكتوب
ومتفكريش كتير في الحكايه دي
عيشي حياتك وابني مستقبلك ولما يجيلك عريس ابقي فكري وشوري اهلك واسالي احساسك واستخيري ربنا وان شاء الله هيكون خير ليكي.
تحياتي
صوت من مصر
طبعا مهى الرجالة مش شايلة هم حاجة
بس البنت دايما مضغوطة فى البيت
وخصوصا لما سنها يكبر
أعشق فى الليل ضوء القمر
مفهمتش يعنى ايه لايجوز صلاة الاستخارة فى الزواج
وايه كلمة التأكيد دى؟؟؟؟؟؟
طوب ذهب وطوبة فضة
هو أكيد كل حاجة نصيب
بس انا بتكلم فى موضوع عام
مش عليا انا
المشكلة بقت كبيرة اوى
ذو الوجه المبتسم
أصل أنا ليا أصحاب كبار فى السن لحد دلوقت خايفين
يمكن مش لاقيين الشخص المناسب
هو كلام حضرتك مظبوط
بس نسبة الطلاق بقت كبيرة جدااااا
وخصوصا فى سن العشرينات
الشباب بئا مستهتر
انا اعرف واحد لسة صغير ولما جه يتجوز مامته قالتله لو مش عجبتك ابئا طلقها
هى مش مشكلة شخصية
عموما حضرتك اتكلم وطول براحتك
هههههههههههه
ميسرة
المشكلة اللى بقت ظاهرة دلوقت ان الدين معدش بيبان
يعنى الناس ممكن تشكر فى واحد وتقول دة بيصلى الفجر
وهو من جواه ميعرفش ربنا
الزمن اختلف
انا رأييى مفيش أحسن من القعدة مع أمى وأبويا
أيات
اهلا بيكى فى أول مرة يا قمر
هما أكيد الاتنين غلط بس نسبة العنوسة زادت ونسبة الطلاق زادت بشكل كبير مخيف
الأمان انعدم فى الدنيا
تأثير الفراشة
كلامك مظبوط
طبعا مفيش غير ربنا
يفك العقدة
ويفك كروب المؤمنين
سومة
الله يبارك فيكى يا قمر
والله يا جماعة المشكلة بقت كبيرة اوى اوى
البنات فى تراجع مستمر
حد ياخد بإيدينا
متضحكوش علينا الرجالة
دودو
لو فكرنا ببساطة شديد بسبب الطلاق
هتلاقي ان نسبة الطلاق السبب فيها عدم القدرة على التحمل.. ومواجهة المشكلات البسيطة مثل تدخل الام بالحياة الزوجية
تدخل بعض الاهل فى مشكلات بسيطة
رأيي الشخصي
ان الرجل هو القادر على اتخاذ القرار لاستمرار حياته بالمشاركة الحقيقية من الست
الحياة الزوجية مش بالشكل السهل اللى البعض معتقده
يعنى مش معاشرة زوجية ونوم فى العسل وبس
للاسف عدم تحمل المسئولية من البعض بتخلي الحياة الزوجية مستحيلة
الكلام فى الموضوع ده كتيررررر
يحتاج لجلسات كتيررر
وعلى العموم الرجال المناسبين موجودين
لكن ازاى نختار وازاى نقييم الشخص وبناء على ايه التقييم .. حاجات كتير لازم نفكر بها
تقبلى تحياتى
وربنا يوفقك الجميع
أكيد الاتنين غلط
مينفعش الواحدة تستعجل وتجوز اول حد يجيلها عشان خايفه تعنس ..وهو مش مناسب..كمان السن الصغيرة اوي دي ..بتكون الخبرة فيها شبه منعدمة
اما الي كبرت ..برده متتجوزش اي حد عشان متعنسش وخلاص..بس كمان متحبكهاش طالما في ناس كويسة ..لان مش هتلاقي حد كامل وفيه كل الصفات الي تتمناها ..ده غير ان ده رزق من عند ربنا ...هتفضل ترفض ترفض ..هييجي وقت معدش حد هيجيلها ...
اما انها تطلق فده موضوع تاني..لما يكون الاختيار سليم وسألوا عنه واستخارت ربنا ...خلاص بقى ..ده يبقى قدر ونصيب...زي الي يقول انا مش هعمل مشروع عشان ميفشلش !!!ده مش منطق ..لان نسبة النجاح اكبر
بوست جميل...وربنا يهدي الجميع
الجواز والطلاق زى الحياة والموت نصيب !!
ما فيهوش شطارة وما لوش قواعد يتبنى عليها ياما ناس كانت ظروف جوازها مثالية واتطلقت وياما ناس كانت عيشتها هباب وماتوا ازواج يفضل بس حسن الاختيار والاعتماد على الله وتحضير الكفن فى الحالتين !! وحدوووووه !!
ذو الوجه المبتسم
فعلا دلوقتي في شباب و بنات كتير لما بيتجوزوا بيكونو مش عاملين حساب ان الجواز مسؤليه كبيرة
وبيكون عندهم نسبة من الاستهتار يا من حد فيهم او منهم هما الاتنين
وكل ما زادت النسبة دي كل ما جه الطلاق اسرع
و فعلا كيفية الاختيار و التقييم الصح هيا اللي بتفرق
بس ماهي البنت ممكن ماتلاقيش حد بالمواصفات دي في عريس من تحمل المسؤليه وعدم الاستهتار في الحياة في كل اللي اتقدمولها
وده انا شوفته بعنيا مع صحبات ليا لدرجة انهم قربو لسن ال 30
ممكن يكونوا العرسان الكويسين موجودين بس للاسف قلو جدا لان دلوقتي بابا اللي بيجهز و ماما اللي بتفرش وهو بيحب و خلاص
شريكة في المطعم
فعلا كلامك مظبوط بس ساعات البنت بتضطر و بتلاقي نفسها قدامها حاجه من الحاجتين
يا كده يا كده
و ممكن تكون البنت متعقده مثلا لان في حالة او حالتين في عيلتها او في اصدقائها ده غير كلام الجرايد
وده يخليها مش عارفه تتصرف ازاي فبتتصرف على حسب عقدتها ما توديها
وميرسيه ليكي يا قمر
أستاذ هاني زينهم
كلامك صح
بس البنات متعقده اوي هههههههههه
بقا عند كل واحده عقده اكبر من عقدة التانية
ربنا يفك العقد كلها يا رب ههههههههه
امين
مبروك المدونه أولا ..
طبعا لازم التأنى الشديد جدا فى اٍختيار الزوج أو الزوجه .. و الحب لوحده مش كفايه لابد يكون معاه تفاهم و أقتناع و اٍحترام بين الطرفين و برضو بعد كل ده فالله وحده يعلم مصير هذه الزيجه ..
أمر صاحبتك محير الحقيقه لأنها عندها حق و فى نفس الوقت برضو مش عندها حق .. بس بأميل أكتر أنى أؤيدها فى موقفها من التأنى الشديد لأن ده جواز مش أى كلام يعنى ..
تقبلى تحياتى و تقديرى ..
استاذ عمرو
متشكرة جدا على تشريف حضرتك ليا
و الله يبارك في حضرتك
و بجد هبلغها راي حضرتك
إرسال تعليق