الاثنين، 1 فبراير، 2010

اجري يا ابن ادم جري الوحوش

مبرووووووووووووووووووووووك
الف مبروك لمصر و لكرامة مصر

عمري ما كنت بفكر اتفرج على ماتش ولا اتابع مباراة ولا اي حاجه من الكلام ده
و لا افهم ايه فايدة الكاس ده ايه اصلا ...

و الناس اللي بيشدوا شعرهم قبل الماتش و بعده
دول كانوا ناس غريبين اوي اوي بالنسبالي

بس بعد ماتش مصر و الجزائر في السودان

بجد دمي اتحرق

بس حمدت ربنا اننا ما كسبناش علشان لو كنا كسبنا كنا اتقطعنا و اتدبحنا اكتر

و بدات اتابع و افهم ايه اللي بيحصل

و شوفت و اندمجت لدرجة انى لقيت نفسي بشد شعري انا كمان

و فجاة الاقي نفسي بقول (( ليييييييييييييييه ما جبتهاش ليه ما الجون فاضي اهوووووووووووووو ))

و اول ما الكورة تقرب على الحضري اتفاجئ بنفسي تاني و انا بصوت و بقول (( خللي بالك يا حضرررررررررريييييييييي
امال فين الدفاع هما راحو فييييييييييييييين ))

بيني اتهبلت و لا ايه معرفش ههههههههههههههه

لا و نهى كمان طلعت في دماغها الا نشتري علم و نعلقه في البلكونة

(( يا فضيحتنا يا نهى الناس تقول علينا ايه ))

بس يلا علشان افرحها خرجت معاها و اشتريلنا العلم و نقيته كبير و حلو كده علشان يبان و اهم حاجه ان النسر مظبوط و شكله جميل
و يلا مش خسارة

المهم تابعت الماتشات و شوفت ان ربنا اد ايه كريم بجد

و ازاي ربنا رجعلنا حقنا باكتر من ما كنا نتخيل او نتوقع

و لو كنا عملنا ايه برده ماكناش هنقدر نجيب حقنا زي ما ربنا جابهولنا

الحمد لله رب العالمين .........

و ساعتها بجد فرحت بالعلم المتعلق عندنا في البلكونة و كل شويه اروح اشقر عليه في البلكونة
ليكون طار ولا حاجه

و بيني و بينكم فرحت اكتر لما سمعت مقوله بتقول ايه بئا

(( ان الجزائر هتروح فين في وسط الفرق العالمية .... مش هتاخد في ايديهم فركه و هيطلعوا بدري من كاس العالم ))

مش هو ده كاس العالم اللي بهدلونا علشانه ........... خليهم يشربوا بئا

يعني سبحان الله ........... اجري يا ابن ادم جري الوحوش .. غير رزقك لن تحوش

هناك 20 تعليقًا:

صيدلانيه طالعه نازله يقول...

عن نفسى باشكر الظروف اللى خلتنا نتغلب من الجزاير عشان تفوقى من غفوتك و تحصلك الصحوه الرياضيه دى
هههههههههههههههههه
الف مبروك لينا و لمصر

عاشقة القمر يقول...

مبرووك لي مصر

dodoo يقول...

صيدلانيه طالعه نازله

هههههههههههههههههههههههه
اه تصوري الصحوة دي ماحصلتليش انا بس دي حصلت لناس كتير
كفايه انهم طلعوا الوطنيه اللي جوانا

ميرسيه ليكي يا قمر

dodoo يقول...

عاشقة القمر

مبروك ليكي و لمصر يا قمر

سبايدرمان spiderman يقول...

مبروووك ليكي
و خلاص من دلوقتي هتباعي لمباريات
و شجعي الاهلي كمااااااان ^_^
بيعمل حاجات حلوه برضه ^_^

dodoo يقول...

سبايدرمان spiderman

اوك
يعني اتابع على ضمانتك و لا هفضل اشد فشعري لحد ما اقرع هههههههههههههههه

7annen يقول...

مبروووووووووووك
لمصر يا دودووووووووووووو

rovy يقول...

ألف ألف مبرووووووووووووك يا قمر لنا كلنا ..
تعرفى أنا كنت كل ما الكره تقرب ناحيه الحضرى و أخاف ألاقى نفسى بأقول الأيه الكريمه (و جعلنا من بين أيديهم سدا و من خلفهم سدا فأغشيناهم فهم لا يبصرون ) صدق الله العظيم .. و الله بعد الماتش بنتى علقت معايا على الحكايه دى و قعدت تضحك .. سبحان الله ..كلنا كنا على قلب رجل واحد و دعواتنا واحده علشان كده ربنا و الحمد لله نصرنا و ياارب دايما ..

تحياتى لكى

تأثير الفراشة يقول...

ألف مبرووووك لمصر ،فعلا فرحنا كلنا - حتى اللى مالهمش فى الكورة- فرحة كبيرة جدااااو بفضل الله حققنا أرقام قياسية عديدة و إنجاز تاريخى

و بجد ده دليل كبير و دفعة كبيرة لكل واحد فى مجاله إنه لما الإنسان يتعب قوى و يتعرض لظلم و لأصعب الواقف يحول ده لانتفاضة قوية و نجاح غير عادى

يا رب دايما ينصرنا و يوفقنا و يفرحنا

مبروووك يا دعاء

dodoo يقول...

مبروك لكل المصرين و مبروك ليكي يا حنونا يا حبيبة قلبي

dodoo يقول...

rovy
الله يبارك فيكي يا حبيبتى و مبروك ليكي و لكل المصريين
فعلا انا برده لقيت نفسي كل ما يقربوا على الجون بتاعنا اقعد اقول يا رب يا رب
زي ما يكون حد في حالة ولاده هههههههههههه
و الحمد لله ربنا خدلنا حقنا باحسن طريقه ممكن نتخيلها و احسن من ما ممكن نتخيل كمان
الحمد لله

ميرسيه ليكي خالص يا حبيبتى

dodoo يقول...

تأثير الفراشة

ميرسيه ليكي جدا بجد يا حبيبتى

" و بجد ده دليل كبير و دفعة كبيرة لكل واحد فى مجاله إنه لما الإنسان يتعب قوى و يتعرض لظلم و لأصعب الواقف يحول ده لانتفاضة قوية و نجاح غير عادى "

بجد الكلام اللي كتبتيه ده أثر فيا فعلا لانه ينطبق عليا شخصيا في حاله في شغل بتعرضلها انا و غيري الايام دي
بس نصر ربنا اللي بيحصل و اللي حصل و الي ان شاء الله هيحصل كبير اوي اوي

الحمد لله

ميرسيه ليكي يا قمر

مصري بالغربة يقول...

مبروك ليكي ولكل المصريين
مدونتك جميله فعلا
انا اول مره ادخلها
ولسه ما سمعتش الراديو
راديو المطلقات
بس بالتوفيق ان شاء الله

لولا وزهراء يقول...

السلام عليكم ورحمة الله وبركاته

جمييييل قووووووووووي احساس الانتماء ده ومنظر العلم مرفرفر متشال جوا العين
حلو ان ربنا ردلنا كرامتنا الحمد لله رب العالمين

dodoo يقول...

مصري بالغربه
ميرسيه اوي لحضرتك و طبعا يشرفنى انك تتابع مدونتى المتواضعه جدا جدا دي
و يشرفنا كلنا انك تتابعنا في الراديو

و مبروك لحضرتك و لكل المصريين

dodoo يقول...

لولا وزهراء
فعلا الاحساس ده جميل اوي اوي
مبروك بجد لكل المصريين و الحمد لله رب العالمين اولا و اخيرا

العيسوى الصغير يقول...

مبروك ليا انا و المصريين مش لمصر

Skeptical Journalist يقول...

السلام عليكم
انا طالبة ماجستير في الجامعة الامريكية وبعمل تقرير عن الزواج والمدونات الالكترونية الموجودة
قرات المدونة بتاعتك وحبيت اعمل معاكي لقاء اذا امكن تتكلمي فيه عن فكرة المدونة وليه عملتيها
اذا حابة الموضوع ابعتيلي على ايميلي
nejud@hotmail.com
:)
شكرا

dodoo يقول...

العيسوي الصغير
مبروك ليك و للمصريين و لمصر كمان
ما هو علم مصر اللي كنا ماسكينه يومها و مصر دي اللي كلنا قاعدين فيها و كرامتنا من كرامتها

و ميرسيه جدا ليك لزيارتك لمدونتى المتزاضعه و يسعدنى انك تزورها على طول

تحياتى ليك

dodoo يقول...

Skeptical Journalist

متشكرة لاهتمامك و مرحبة للتعاون معاكي
و بعتلك ايميل على الميل اللي سيبتيه

تحياتى ليكي