الخميس، 15 يوليو 2010

شكلك هتتنصفى يا بنت المحظوظة

كل سنة و كل المسلمين و كل الشعب المصري بخير
رجب جري و شعبان شكله عايز يجري هو كمان و ربنا يسترها على رمضان
***********************
و تتوالى نجاحات مطلقات راديو ..... الحمد لله رب العالمين و يااااااااااااااااااا رب دايما
اول امبارح كنا ( محاسن و رانى زهران و العبده لله ) في احداث تصوير تقرير لقناة الأن
و على اد ما انا كنت حاسة انى مش مظبوطه و بالتالي لخبطت شويه في الانترفيو بس الحمد لله عدت على خير
و بجد بجد على اد ما شوفت اخلاق و زوق من اي فريق عمل تصوير حصل معايا و مع زمايلي قبل كده سواء اتذاع او اتقطع الجزء اللي انا فيه بالذات (( هههههههههههه حظي بئا ))
بس بجد عمري ما شوفت حد بالاخلاق و الزوق و الاحترام و الروح الحلوة اللي شوفتها اليوم ده من فريق العمل اللي كان بيصور معانا التقرير
الاستاذه هبه المعده و المراسلة و الاستاذ بلال المصور و الاستاذ محمد
جروب جميل اوي اوي ( ربنا يوفقهم و يحميهم يا رب )
(( مين بئا بنت المحظوظه دي ))
هيا المدونة المتواضعه جدا في كل حاجه دي
(( شوفتوا استغربتوا ازاي ؟؟؟ مش بقولكم ؟؟؟ انا كمان مستغربة ))
فعلا .. استغربت من فرط اعجاب الاستاذة هبه بالمدونة لدرجة انها اصرت ان المدونة تكون خلفيتى في الانترفيو بتاعي بدل من موقع الراديو
ساعتها استغربت زيكو كده و قولت في سري (( شكلك هتتنصفى يا بنت المحظوظة )) و الفضل طبعا يرجع بعد ربنا سبحانه و تعالى لمحاسن احلى صاحبة و اخت في الدنيا
المهم المهم....
قريب اوي هتتذاع حلقه مباشر على قناة الأن و هتكون الاستاذه محاسن صابر ضيفه فيها و هيتذاع التقرير مسجل
سواء ظهرت فيه او اتقطعت الحته اللي انا فيها ( كالعاده يعنى ههههههههههه) لازم تشوفوها و يا ريت يا ريت حد يسجلها و يبعتهلنا

هناك 12 تعليقًا:

Unknown يقول...

الحقيقة انا اول مرة اعرف القناه دى

دعاء عويضه يقول...

العيسوي الصغير

لا موجوده الحمد لله
هههههههههههههه

دور عليها في قنوات الدش هتلاقيها

شكرا ليك

حاجات جوايا يقول...

مبروووك يا جميل
وحشانى والله يا دودو من زمان ما مريتش هنا والفيس بوك كمان خدكم كلكم مننا

عقبال ما المدونة كلها تطلع فى برنامج يا قمر

ياريت تجيبى تردد القناة
واسمها زى ما هو مكتوب عالريسيفر
وميعاد الحلقة طبعا هههه

تحياتى لكِ دائما
سلميلى على محاسن

دعاء عويضه يقول...

حاجات جوايا

حبيبتى وحشتينى موت و الله و المدونات وحشتنى بس بغيب عنها غصب عنى

و شكرا ليكي يا قمر و مايحرمنيش من زوقك ابدا يا قمر

و القناة اسمها عالريسيفر الان بس ما اعرفش ترددها بس هتلاقيها موجوده و خصوصا لو قلبتى في القنوات الاخيره عالريسيفر

اما عن معاد الحلقه فلسه مش عارفاه بس اول ما اعرفه هقول على طول

و اسفه يا حبيبتى على تاخيري في الرد لانى و الله لسه قاريه تعليقك دلوقتى لانى مادخلتش المدونة من فترة طويله

شكرا ليكي يا قمر

شمس النهار يقول...

ازيك يارب تكوني بخير

كل سنه وانتي طيبه وبخير وسعادة


رمضان كريم

:))

دعاء عويضه يقول...

ازيك يا شموسه يا رب تكوني بالف خير

كل سنه و انتى طيبه و كل حبايبك بالف خير يا رب

و رمضان كريم عليكي و ميرسي خالص ليكي و دايما سباقه بالخير

شكرا جدا ليكي و بتمنالك دايما كل الخير و التوفيق

غير معرف يقول...

أنا جييييييييييييييت
الحب الجميل
هبعتلك اللينك على الفيس
او ادخلى من هناااااا

VÖltaa يقول...

مصاء الخير

دعاء عويضه يقول...

الحب الجميل
اهلا بحضرتك نورتنى

دعاء عويضه يقول...

محمد فولتا
مصاء النور
ههههههههههههههههههه

a7med-Mado يقول...

مبروووك يا جميل
وحشانى والله يا دودو من زمان ما مريتش هنا والفيس بوك كمان خدكم كلكم مننا

عقبال ما المدونة كلها تطلع فى برنامج يا قمر

ياريت تجيبى تردد القناة
واسمها زى ما هو مكتوب عالريسيفر
وميعاد الحلقة طبعا هههه

تحياتى لكِ دائما
سلميلى على محاسن

هههههههههههههه نفس الكومينت بس من غير محاسن علشان معرفهاش

دعاء عويضه يقول...

a7med-Mado
اهلا بيك و نورت مدونتى
و ما شاء الله كومنت (حاجات جوايا ) كوبي هههههههههه

و بالنسبه لمحاسن بكرة تعرفها

و يا ريت تعرفنا انا و ( حاجات جوايا ) بالذات بنفسك