الجمعة، 11 مارس 2011

مشكلتنا هي الازازة في البزازة و الفيل في المنديل

ركزوا اوي لانه فيه اكتر من معنى و المعاني المقصودة في بطن الشاعر كبيرة و كتيرة :) :)
-------------------------
الازازة في البزازة و الفيل في المنديل و الفلة في المنفلة و المورتة فقعر الحلة
دي جمل اشهر من نار على علم اتقالت في فيلم شنبو في المصيدة للنجم الرائع فؤاد المهندس لما كان فؤاد المهندس بيجسد شخصيتين شنبو الطيب و جناب الكوماندا المهم
فاكرين المشهد اللي العصابة خدت شنبو الطيب يحكمها علشان افتكروه هو الحكيم العاقل اللي يقدر يحكمهم بجد ( ده على اساس انهم مجرمين فاختاروا اقوى و احكم و اعقل و اقوى مجرم فيهم علشان يحكمهم )
فعلشان ماكانشي عندهم بصيرة و لقلة عقلهم خدوا شنبو بدالوا
و كانت النتيجة انه بئا بيحكمهم بهبل
لا و ايه و كمان بيمشوا ورا ارائه الهبلة رغم انهم مش مستعقلنها

نرجع تانى لجملةالفيل في المنديل و الازازة في البزازة
لما كان شنبو بيحكمهم في وقت من الاوقات علشان يعميهم عن حاجات معينة خلاهم يطلعوا ينفذوا مهمه و كان بيحركهم بالريموت
كل ما يقولهم الازازة في البزازة ينزلوا يضربوا بعض
و اول ما يقولهم الفيل في المنديل يسيبوا بعض و يحاولوا يروحوا يكملوا المهمه
و ساعاتها يرجع تانى يقولهم الازازة في البزازة علشان يضربوا بعض تانى !!!!!
مع انهم ولاد عصابة واحده و اصحاب و بينهم عشرة كبيرة
يبئا ليه يسمحوا لنفسهم انهم يسيبوا واحد زي ده بضغطة زرار و بكلمة منه يضربوا بعض ؟؟؟؟

بالظبط للي فهم كلامي اللي فات و استعقله على اللي بيحصل في البلد الايام دي
ليه العلاقة بين المسيحين و المسلمين متحفزة لضغطة زرار او كلمة توقيع و تحريض بينا ؟؟؟؟
رغم ان احنا عايشين مع بعض مش هقول مافيش فرق بين مينا و محمد و الكلام ده
بس احنا بجد اخوات و اكتر من الاخوات و كل تعاملتنا طول العمر مع بعض كده
يبئا ليه نسيب مابينا زرار احمر ملتهب لاي حد عايز يتوهنا عن حاجات هو عايزها يضغط على الزرار ده ؟؟؟؟؟؟
رغم ان احنا عارفين مين الشخص او الاشخاص دي
بس برده بنسيبهم يقولولنا بكل مزاج يلا اضربوا بعض و لما يخلصوا المهمه و علشان مصلحتهم برده بيقولنا الفيل في المنديل

حد فيكم يقدر يقولي ايه اخبار محاكمة مبارك ؟؟؟؟
ايه اخبار طلبات محاكمة نظيف و صفوت الشريف ؟؟؟؟؟
ايه اخبار محاكمات قيادات امن الدولة ؟؟؟؟
فين راحوا الاعضاء السابقين للحزب الوطنى ؟؟؟؟
يا ترى جمال مبارك كان بيعمل ايه الايام اللي فاتت ؟؟؟؟
محدش يقولي انه قاعد بيعيط و حاطط ايده على خده
فين و فين و فين و فين ؟؟؟؟؟؟؟

ها ؟ لحد امتى هتسيبوهم يكملوا معاكم حكاية الفلة في المنفلة و الفيل في المنديل ؟؟؟؟

مش نفسكم نرجع نكمل مسيرتنا ؟؟؟؟
مش نفسكم تشوفوا كل من استحل دمنا و استخف بادميتنا يتحاكم و يا ريت يتشنق في ميدان عام ؟؟؟؟

اكسروا الزرار الاحمر اللي بينا ده و كملوا المسيرة علشان بلدنا تبئا احسن بلد و احسن شعب شافوا التاريخ
و ماتسمحوش تانى لحد يقولكم الازازة في البزازة :)))

هناك 7 تعليقات:

شمس النهار يقول...

بوست علي عمق مغزاة لطيف وخفيف

وعندك حق
لابد من التخلص من الزر ومش هيحصل ده الا لو تواصلنا وسمعنا بعض

سَارةٌ يقول...

عَـجبنِـي البُوست .. وَبِـشدّه :)

امممممم .. مَوضوع الدين ده حساس جداً..
وخصُوصاً عند اصحاب الروحانيات الهائمه
اللي من السهل اللعب على اوتارها
بأي " رعشه " ..

بَس هتلاقيه مُتزن .. عند النّاس
المُتعمقه فـ الدين ..
اللي عارفاه صح ..
مش اللي بتعمله " شير " ..

..
بالنُّوسبه للزرار الأحمَـرْ ..
معتقدش انه ممكن ينعدم ..
ممكن يُـستبعد عند بعض النّـآس..
لَـكن عند ناس تانيه
هيفضل حسـآس .. !
دي طبيعِـةْ الحيّـآه
:)

بلاش فضايح يقول...

طب الازازة فى البزازة بئا

دعاء عويضه يقول...

شمس النهار

ربنا يخليكي ليا يا حبيبة قلبي و نورتيني و بتنوريني دايما و الله

فعلا المشكلة اننا في كتير من الاحيان ما بنسمعشي بعض و ده سبب كل المشاكل
ربنا يسترها و ما تتسببشي في اكتر من كده

دعاء عويضه يقول...

حَـبآيـۃْ.بـטּـدۉڷ

في الاول لازم اقولك بجد نورتيني جدا و نورتي مدونتي يا قمر


عجبني ردك جدا و كل كلماته و تشبيهاته بجد

تسلمي يا قمر

دعاء عويضه يقول...

نونا

حتى انتى كمان هههههههههههه

nadyaxing يقول...

Wynn hotel and casino - JS Hub
Discover all the details about the Wynn Las Vegas hotel 제주 출장샵 and casino with 안산 출장샵 the best deals 대전광역 출장샵 and specials. Click here to read more. Search the Wynn 김제 출장샵 website 청주 출장샵 now!