الأحد، 13 مارس 2011

شوفت انهارده ؟؟؟

تحديث ....
لينك البوست اللي فات بعد ما نشر في جريدة الثوار- ثوار مصر
-----------------------
شوفت انهارده ؟؟؟
انهارده كان اول يوم في الدراسة في جامعات كتير .... يا ترى خدت بالك من حاجه ؟؟؟
انا بئا شوفت .....
شوفت انهاردة في اول يوم في جامعة الازهر
بنات لابسين ابيض في ابيض و حاطين علم مصر باشكال مختلفة على اكتافهم و شريطة على راسهم
و فجاة نزلوا بكمية يفط و لزقوها عالحيطان و الشجر و كل حاجه تنفع يتحط عليها و كل حاجه ماينفعشي يتحط عليها
بجد ما كانشي ناقص غير انهم يقومونا من على مكاتبنا علشان نشيلهم يفط و بالمرة نفضيلهم مكاتبنا علشان يعلقوا عليها يفط :)
و مكتوب عليها بالنص " الاخوان المسلمين يرحبون بالطالبات بالفصل الدراسي الجديد " و " الاخوان المسلمين يهنئون الطالبات بنجاح الثورة "
مع كامل احترامي بس جوايا كلام كتير اوي اللي ينفع اقوله و اللي ما ينفعشي اقوله و هسيبهولكم تردوا عليه انتو
بس معلش يعني ( مين اللي بيرحب بمين في الجامعة ؟ هما كم واحده اصلا ؟ و بيرحبوا ببيهم على اساس ايه ؟ و ايه نوعية الترحيب ده ؟ )
بس كده كفاية ...
انا بحترمهم جدا و بشجع حرية الرأي بس اسالة كتير راودت فكري
بعد شوية لقينا بنات كتير واقفين بيطالبوا بطلبات و فجاة و من غير اي كلام ناموا !!!
اتاري في حد وزع منشور على البنات و قالهم لازم تطالبوا بحقكم و فرجهم على كم بند يمسوا الطالبات و مناهج الدراسه و الكتب و كده
و بالتالي معظم البنات انفعلت و قامت تندد و تطالب بالبنود اللي في المنشور
فجاة اكتشفوا ان معظم البنود مالهاش علاقة بالطالبات خااااالص
و بتنادي برحيل فلان و نقل علان من الاداريين و اتهامهم اتهامات باطلة في الفساد المالي و الاداري و الاخلاقي
مع العلم ان فلان و علان دول منهم ناس الطلبه ما تعرفهومشي اصلا !!!!
و بعدين الطالبات ايه اللي عرفهم ان في فساد مالي و اداري في الكلية ؟؟؟؟
ساعتها لفت نظري انهم وقفوا و بدأوا مظاهرة من غير ما يقروا الورقة اللي اصلها في ايدهم !!!
و ماخدوش بالهم من عملتهم الا لما حد راح قالهم
طيب انتو تعرفوا فلان ده ؟ طيب هو مين ؟
هههههههههههههه و الله حاجه تضحك جداااا
فكروني بنوت الازازة في البزازة اللي قبل ده
ربنا يهدي .......

هناك 4 تعليقات:

شمس النهار يقول...

هي دي المشكلة يادودو

بقت الثورة للثورة علي لاشئ
مجاملة يعني

ماحدش بيستوعب
عارفة نظرية ادفع وبعدين اشتكي
اهي هي دي اتظاهر وبعدين اعرف ليه
:)))))

ثـــوره الــغضب يقول...

بجد انتكاثه ثوره

وطخطخه ثورا فى بعض

وانقلاب القوم على القوم

مبقناش فهمين حاجه واحنا اصحاب الثوره

دعاء عويضه يقول...

شموسه حبيبتى

ههههههههههههههههه عجباني جدااااا نظرية اتظاهر و بعدين اعرف ليه

و هو ده اللي ماشي مع ناس كتير الايام دي

تسلميلي يا قمر

دعاء عويضه يقول...

ثورة الغضب

عندك حق يا ادم
ربنا يسترها و يعديها على خير

تحياتي ليك