الاثنين، 11 أكتوبر 2010

زي اي بنت

زي اي بنت
بتحلم بيوم فرحها
لما تلبس فستانها ابيض
اللي بنفسها اختارته و زوقته
و اتزوقت هيا كمان
علشان تكون في عينه احلى من اي ورده في بستان
و في عنيها هيا كمان
اصلها عايزة تنسى نفسها زمان
ايام الهم و الكرب و التوهان
من عريس لعريس
و من كلام ناس لكلام .....
و قلبها دق و قرب يخبطت عالببان
لما جالها و لابس بدلته اللي اختارتها معاه
و قالها يلا يا قمرايتي على جنتنا
و قبلها هنروح نشوف عيون الناس
و هما بيشوفوا احلى عرسان
و راحت معاه و هيا رجليها مش واصله الارض من الفرحة
و فنفس الوقت ركبها بتطبق زي الورق
و من ده مبروك و من ده مبروك نسيت خوفها و كملت طيران
و قبل الفرح
كانت عايشه حالة حب
و متطمنة و هيا بتحب
و مش خايفه من حاجه
ايوة ماهو خطيبها
اللي جه بيتها
و اتكلم مع باباها و مامتها
و عجبته و عجبها
و جاب اهله
و قالهم انا عاوز دي
و مش هتجوز الا دي
و لما باباه قال مش جايب كذا
هو قال انا هجيب
و هشد حيلي في شغلي و اجيب
اللي ملت عنيا و قلبي تستاهل ملو الجيب
و جابلها دهب رغم انه قليل
بس كان في عنيهم هما الاتنين ماس كتير
و قالها لازم البسهولك بنفسي
وشها احمر و قالتله لا اتكسف و حرام
قالها هلبسهولك و يا قاتل يا مقتول
وشها زاد حمار
كسوف و فرحة و حب رعش قلبها
و جابلها هدية و قالها
نفسي اجيبلك كل الدنيا أو اخدك اوديكي للدنيا
بصيتله و عنيها بتلمع
و فسرها قالت انا معاك مالكة الدنيا
ماتسيبنيش لتضيع كل حياتي
انا بعدك ماليش مكان فيها
الدنيا دنيا و انا معاك
و نظرة عنيك تحرر اوطان
ازاي ماشافوهاش قبل الحروب و الخناقات
كانوا حبوا بعض و طلبوا الغفران
قالها هجيبلك كل الدنيا
اوعى تستغلي حاجه و ماتجيبيهاش
بصيتله في كسوف و قالتله في سرها
انت عندي كل الدنيا
و انت اغلى عندي من اي حاجه
كفايه حبك ده يدوم
و انا ضامنه نفسي حبي دايم

هناك 13 تعليقًا:

Sweet Violet يقول...

حلوة يادودو لا بجد حلوة قوى
ده انا عيني دمعت من كتر المشاعر دي
انا خايفة يكون حقيقي احسدهم
:\

شمس النهار يقول...

جميلة
رقيقه
من القلب
مشاعر فياضه

طيب اقول ايه كمان

تسلم ايدك

:)

غير معرف يقول...

جميلة اوى يا دودو
كلها مشاعر راقية واحاسيس رائعه
ربنا يسعد الجميع يارب
ويسعدك يا قلبى
اخبار الرقص السلو ايه؟؟
هههههههههههه
تحياتى لشخصك الحبوب

دعاء عويضه يقول...

Sweet Violet

ميرسي يا نونو ربنا يخليكي ليا يا قمر
و سلامة عيونك يا قمر

و ماتخافيش مش حقيقي
ده مجرد حلم الله اعلم هيتحقق و لا لا بس املي في ربنا كبير
يعني حلم مؤجل الا ان يشاء الله

دعاء عويضه يقول...

شمس النهار

حمد الله على سلامتك يا شموسه يا حبيبتنا كلنا

انا مبسوطة اوي برجوعك و بان البوست عجبك
الحمد لله

تسلميلي يا قمر

دعاء عويضه يقول...

شمس النهار

حمد الله على سلامتك يا شموسه يا حبيبتنا كلنا

انا مبسوطة اوي برجوعك و بان البوست عجبك
الحمد لله

تسلميلي يا قمر

دعاء عويضه يقول...

الحب الجميل
ميرسي يا حبيبة قلبي ربنا مايحرمنيش منك و من زوقك الجميل الراقي و من طيبة قلبك يااااااااااااا رب

و ربنا يسعدك و يراضيكي و يعزك يا رب

و ماتقلقيش حلم السلو قائم زي ما هو
هههههههههههههههههههههههههههههه

على فكرة
فكرة البوست دي جاتلي و انا و انتى بنتكلم عن السلو و ماكانشي في بالي خالص اكتب الكلام ده
ده انا كنت هكتب على انى اخيرا عرفت اني ممكن ارقص سلو و احقق حلمي في كده و سميته ( و هنرقص سلو )

لقيتني بكتب ده تقريبا بدون وعي و رجعت غيرت العنوان بعد ما نشرت الرساله

Kiara يقول...

فعلا زي اي بنت

ربنا يحقق احلامنا ياررررررررب

دعاء عويضه يقول...

كيارا
ميرسي ليكي يا حبيبتي على تشريفك ليا مدونتي المتواضعه دي

و يا رب يا حبيبتي يحقق احلامنا كلنا

حبارير يقول...

رقيقة اوي وتلقائية تمس القلوب النقية

بجد جميلة اوي

مخبوطازاد يقول...

زجل جنان

ربنا يكرمك حببتي

اللهم ارزق جميع بنات الاسلام ازواجا صالحين و اهدي شباب الامة الى مافيه صلاح الامة يارب العالمين

تشرفني زياترك في حكيات في العرسان في حكيات الف خيبة و خيبة مدونتي الجديدة لسة نونو و محتاجه تشجيع اضمنلك تسلية و هزار و حكمة كبيرة في الاخير

منتزرااااكي

دعاء عويضه يقول...

استاذ عبد الرحمن حبارير

انا اسفه جدا انى اتاخرت في الرد
و الله لسه شايفه تعليقك حالااا

ده شرف كبير اوي تعليق حضرتك عندي

و شرف اكبر ان البوست عجب حضرتك

متشكرة جدا لحضرتك على تشريفك ليا

دعاء عويضه يقول...

مخبوطازاد

متشكرة جدا جدا ليكي

و اسفه جدا على التاخير في الرد بس و الله لسه شايفاهم حالا

و يشرفني جدا انى ازور مدونتك اللي اكيد جميله زيك