وحشتوني كلكم خالص خاااااااااااااااالص
و الحمد لله كرم و نعمة كبيره انى بشوف معظمكم عالفيس بوك
و زعلانه انى مش بشوف الباقي كتير
بجد عايزة اعرفكم كلكم عالفيس علشان نتواصل اكتر
................................................
هتكلم من جوايا اوي من غير ما ارتب و لا انسق
بقالي سنين حلمي و طموحي انى اتعمق في علم التنمية البشرية و اكبر و اكبر كل اللي حواليا
و الموضوع ده ماسبشي دماغي طول الفترة دي
رغم انى اشتغلت حاجات تانيه بس عمر التنمية البشريه ما طلعت من دماغي
و كنت دايما متابعه تطوراتها و جديدها و محاضراتها و كورساتها
رغم انى ماعرفتش احضر و لا محاضرة و لا كورس لانهم كلهم في القاهرة بس
و بابا زي اي اب شرقي جميل بيحافظ على بناته
كان دايما يرفض انى اروح لوحدي
طيب انا اعمل ايه ماهو ماحدش حواليا فاهمني و مهتم زيي علشان يسافر معايا و يحضر بالخمس ساعات و كمان يدفع فلوس و هو اصلا مش في دماغه ؟؟؟؟
اتمسكت بحلمي و قولت يا رب
و ربنا من كرمه الشديد عليا كان معايا و قدرت انى اعمل حاجه كانت غايبه عني بس ربنا نورهالي
حملات تنظيم كورسات و محاضرات التنميه البشريه
و دي بتكون في المحافظات و بتتوسع بعد كده
زي حملة اي دريم في المنصورة و حملة ابني نفسك في الاسكندرية و غيرهم كتير من الحملات الناجحه جدا
فربنا بئا بعتلي فكرة
اعمل انا كمان حملة و انظم كل حاجه فيها و اجيب كل المدربين اللي مش عارفه احضرلهم هناك عندي هنا ...
و يمكن ربنا يكرمنى و اعرف اتوسع زيهم و اعمل حملة ناجحه انا كمان و احقق حلمي
و من هنا طلعت فكرة
حملة نور للتنمية البشرية
حملتي .. تأسيسي ... حلمي .... حياتي
عايزاكم كلكم بئا تدعولي اوي اوي
و تقفوا جنبي و تدعموني في لو عدت عليا لحظات ياس او احباط
بحبكم كلكم جدااااااااااا و بحب كمان نور .....
هناك تعليقان (2):
ازييييييك يادودو ياجميلة
ربنا يكرمك ياحبيبتي
وتحققي حلمك الجميل ده
وكل احلامك
انتي شخصيه جميلة حبوبه
:))
شموسه حبيبتي
ربنا يخليكي ليا يا حبيبتي
و ربنا يعزك و يكرمك و يوفقك في كل اللي بتتمنيه
و انتى ما شاء الله عليكي الكل بيحبك و بيتمنالك كل الخير
إرسال تعليق