السبت، 11 ديسمبر، 2010

عشت حلم انى عشت حلم

عشت حلم انى عشت حلم
ايوة كان حلم قديم اوي عندي
انى اروح اخد و لو كورس واحد على ايد الاسطورة
الدكتور ابراهيم الفقي
و بعد طول انتظار اكتر من سنتين صبر و امل
ايوة صبر و امل
ماهو كل ما احاول اروح احضر بابا يقولي
" لازم حد يروح يحضر معاكي ماينفعشي تسافري و تقعدي لوحدك و ترجعي لوحدك "
لحد ما كرهت انى مش من اهل القاهرة
و رغم انى كنت دايما ببحث كتير عن اي حاجه من ريحة الدكتور الفقي
قريبه منى
الا انى اتفاجئت مرتين انه هو بنفسه جه الزقازيق في الجامعة من سنتين
و انا معرفشي !!!!!!
اه .. ما انا عارفه النحس لما بيركبني
طيب ماهو ماكنشي في اعلانات للموضوع ده !!!!!!!!
و لو كان في اعلان واحد كنت هعرف ده الزقازيق كلها اوضه و صالة
ما تتوهشي يعني
بس الحمد لله و لاول مرة
قدرت اخيرا اقنع اختى ان التنمية حلوة :)
و اخيرا اقتنعت بعد طول انتظار و وافقت
هييييييييييييييييييييه ياهوووووووووووو
و روحت حضرت كورس رائع عن الذاكرة و التذكر للدكتور ابراهيم الفقي
و كان معاه كمان كورس ادارة الوقت للاستاذ احمد قدوس كان جامد جدا برده
و استمتعنا جدا انا و اختى و هيا كمان خدتلها كم صورة على كم فيديو
هتلاقوهم موجودين على صفحة حملة نور عالفيس بوك
المشكله بئا كانت فيا انا .....
على اد ما استمتعت على اد ما كنت قاعدة متنحه
ايوة و الله متنحة ... يمكن من الفرحة ... يمكن علشان مش مصدقه انى حققت خطوة كنت هموت عليها من زمان !!!!!
مش عارفه ؟؟؟؟
بس اللي كنت متاكده منه
انى كنت بحلم و انا بعيش الحلم

هناك 4 تعليقات:

شمس النهار يقول...

مبسوطه علشانك يادودو اوي

ربنا يحقق لك كل احلامك ياجميلة

وكل سنه وانتي طيبه وسلامي لأختك كتير

:))

دعاء عويضه يقول...

ربنا يخليكي ليا و لكل المدونين يا احلى شموسه في الدنيا كلها
دفاكي بيوصلنا كلنا دايما

و ربنا يحقق احلامنا جميعا اللهم امين

و كل سنه و انتى و بنوتاتك و كل المسلمين و الطيبين طيبين و بالف خير اللهم امين

حبارير يقول...

ربنا يحقق لك كل أحلامك في رضاه آمين

دعاء عويضه يقول...

استاذ عبد الرحمن

ميرسي خااااالص ليك و ربنا يديم رضاه عليك اللهم امين

و اسفه جدا على التاخير في الرد بس لسه شايفه تعليق حضرتك حالا و الله

بالتوفيق دايما لحضرتك