الجمعة، 31 ديسمبر، 2010

هجبلك عادل امام

بما انى من مواليد راس السنه
فبعتبر نفسي محظوظه
مش لحاجه غير لاني من اواخر شهر 12 و كل ما تيجي اعلانات عن راس السنه و كل اللي حواليا يقولولي كل سنه و انتى طيبه
يعني بتتقالي كتير و بحس ان كل يوم عيد ميلادي من نص شهر 12 لحد 1\1
مش بس كده
ده كمان علشان و انا صغيره بابا كان بيقنعني انه اتفق مع عادل امام يجيب الفيلم بتاعه في ليلة عيد ميلادي (( ده على اساس ان زمان كان لازم تلاقي فيلم كوميدي لعادل امام في واحده على الاقل من القنوات المصرية ))
و لو عادل امام ما جاش يبئا هو اتصل ب بابا و قالوا انا مش فاضي و هبعتلك فلان انهارده بدل مني
لحد سن سبع سنين تقريبا كنت ببئا مش مصدقة اوي بس مش هكدب بابا يعني بس بحس ان الموضوع فيه ان اكيد :)
بعد كده بئا بدات اركز و اقول اشمعنى بابا مابيعرفشي عادل امام الا ليلة راس السنه ؟؟؟ ده اكيد الجماعه دول بيضحكوا عليا اكمني هبله و بصدق اي حاجه
(( طول عمري لحد انهارده على فكرة ))
بس قلة الحظ كانت بتبان في حاجه واحده
انى دايما دايما عيد ميلادي في نص الامتحانات
فمبعرفشي استمتع بيه اكتر زي ما بتمنى
و كنت ساعات بنام بدري طبعا علشان المذاكرة
و طبعا بابا كان بيفضل الصبح يذلني و يقولي
(( انا اتفقلك مع عادل امام و مع ممثلين كتير و انتى رايحة تنامي
زي الجردل ))
ربنا يسامحك يا والدي :)))))))
و ما خلصتش من المشكلة دي الا بعد ما تميت 21 سنه لما خلصت الجامعة
ربنا يسامح كل من له يد في الموضوع ده بئا هههههههههههه
المهم يا جماعه
انتو كلكم معزومين انهارده على فيلم عادل امام اللي انا كلمتهولكم علشان يجيب فيلمه انهارده
:D:D:D
نسيت اقولكم ان احلى عيد ميلاد قضيته في حياتي كان مع دخول الالفية الثالثة
الجماعة في التليفزيون كان عاملين معايا واجب نااااااااااار
و في كل بلاد العالم كمان
هههههههههههههههههههههههههههه

هناك 6 تعليقات:

mahmoud يقول...

ربنا يجعل ايامك كلها افراح
وربنا يحفظ والدي العزيز ويبارك فيه
قوليله والنبي المرة الجاية يكلم كريم عبد العزيز او احمد حلمي
هههههههههههههههههههههههههههههه
ربنا يخليلك التلفزيون المصري والفضائيات المجاورة ويحتفلو بيكي دايما

محمود

دعاء عويضه يقول...

مش معقول
محمود فاشون منورني في مدونتي
يا مرحبا يا دي النور


ربنا يسعدك و يحققلك كل احلامك يا محمود

الحمد لله بابا و القنوات دلوقتي مش حرمني من حاجه خااااالص كريم و احمد و كلهم بئا هههههههههههههه

منورني يا محمود
بتمنالك دايما كل خير

حبارير يقول...

جميلة اوي

عمر كله في طاعة الله ورضاه يا أستاذة

تدوينة رشيقة جدا

دعاء عويضه يقول...

استاذ حبارير

ربنا يبارك في حضرتك و يعزك و يراضي حضرتك و كل اسرتك و اهلك و احبابك اللهم امين

متشكره جدا لحضرتك على زيارتك و تنوير حضرتك مدونتي المتواضعه

بتمنى لحضرتك دايما كل خير و توفيق اللهم امين

شمس النهار يقول...

دودوووووووووو

كل سنة وانتي طيبة متأخرة بس معلش ماشوفتش البوست ده خالص

القائمة عندي بتعكرت كتير


يارب كل ايامك عيد

وان شاء الله السنة الجاية محققه كل احلامك ياجميلة

دعاء عويضه يقول...

شموسسسسسسسااااااااااا
انا اللي اسفه يا حبيبتى لسه شايفه البوست بتاعك حالااااا
و انتى طيوبه و جميله يا حبيبة قلبي
و تسلميلي يا رب على تهنئتك و تشريفك ليا المدونة يا حبيبتي