الاثنين، 7 فبراير 2011

شكرا ليكم و انا اسفة يا مصر

مش عارفه اقول اكتر من شكرا

يا كل من رجعتولنا كرامتنا
يا كل من ضحى بنفسه و بماله و بكل شيء في سبيل مستقبل وطننا و مستقبلنا

يا كل من فكرت في توفير لقمة نضيفه للفقير و انت غني و مش محتاج

يا كل من فكرت في حياة كريمة لغيرك و انت من اساسه عايشها

يا كل من حاولت بكل مجهودك و اكتر علشان تلغي خوفنا

يا كل من فكرت اعلاء كلمة الحق و انت حياتك كريمة و مش فارق معاك

كلمة شكرا مش كفاية

ربنا اعلم باللي جوايا
و جوه كل مصري في اللحظة دي

مافيش دموع تكفي
انا اسفه يا مصر .. و يا كل اهل مصر
انى ماكنتش من اول المنظمين لثورة الحرية
و انى مش من شهداء ثورتك العظيمة


سالي زهران .. احد شهداء الحرية

ماتت بضربها على راسها بالشوم لحد ما انكرست جمجمتها

و غيرها مئات ... اختلفت الطريقة و النتيجة واحدة

مافيش شكر يكفي تضحيتكم لينا

بس يا رب نكون عند حسن ظنكم و مانضيعشي تعبكم

لا دلوقتي و لا في المستقبل اللي صنعتوه لينا


هناك 6 تعليقات:

ثـــوره الــغضب يقول...

مبروك لمصر وارجو تيجى ثوره الغضب

model يقول...

مبروك مبروك مبروك لمصر و لكل العرب
الحمد لله رفع الظلم

الحمد لله
تحيا الحرية

موديل

دعاء عويضه يقول...

ثورة الغضب
مبروك لكل المصريين

انا فعلا اشتركت و مبروك المدونة الجديده
و نورتوا مدونتى

دعاء عويضه يقول...

model

الف مبروك يا قمر لكل العرب و لكل المصريين

نورتي مدونتى يا قمر

غير معرف يقول...

مبروك لمصر
و مبروك يا دودو المدونه
ايمان المصريه

دعاء عويضه يقول...

الحب الجميل

ايمي حبيبتى ربنا يخليكي ليا و تسلميلي يا رب دايما
و مبروك ليكي يا حبيبتى و لكل المصريين
و الله يبارك فيكي يا حبيبتى بس مدونتى دي مش جديده ده بس نيو لوك
تسلميلي يا حبيبتى و يسلملي ذوقك و رقتك